Saltar ao contido principal

Primeiros pasos

De
Xa quedan só catro días para que dean comenzo os clubs de lectura. Reunirémonos o venres día 4 de Marzo pola tarde, por volta das 17.30h, na Casa das Letras para conversar un anaco e coñecernos. Pero ata entón, supoñemos que teredes un montón de preguntas sobre como poder participar, cales son as datas e horarios das sesións, os libros e actividades que se propoñerán cada mes...

Non vos preocupedes. Aquí vos van algunhas respostas.

1. En primeiro lugar, a idade mínima para ser membro dos clubs é 8 anos. Non hai idade máxima. Segundo isto, debedes escoller entre o club de lectura ao que pertencedes e que pode ser o club infantil (de 8 a 11 anos), o club xuvenil (de 12 a 15 anos) ou o club adulto (de 16 anos en diante). 

2. Decidido xa o grupo no que apuntarvos, debedes solicitar a vosa praza para poder participar como membros. Para iso, deberedes encher a ficha de inscrición que atoparedes no Departamento de Cultura do Concello, onde tamén recollerán o voso impreso e tomarán nota dos vosos datos. Lembrade que os grupos teñen un número limitado de participantes!

3. O venres día 4 de Marzo, na nosa primeira xuntanza, darémosvos pistas sobre os libros e autor*s que imos ler e entregarémosvos un calendario para que saibades que días e en que horario terán lugar as reunións dos clubs. Ide reservando as tardes do primeiro e terceiro xoves de cada mes! 

4. Cada libro leva consigo un obradoiro: queremos que traballedes a vosa creatividade! Falaremos sobre eles tamén na presentación do vindeiro venres: en que van consistir, os materiais que serán necesarios, ...


...Resumindo:

* Idade mínima: 8 anos.
* Tres grupos de lectura: infantil (8 a 11 anos), xuvenil (12 a 15 anos) e adulto (16 anos en diante).
* Número limitado de participantes: 12 para o club infantil, 15 para os clubs xuvenil e adulto. 
* Reserva de praza e inscripción no Departamento de Cultura do Concello.
* Primeira sesión: venres 4 de Marzo ás 17.30h na Casa das Letras.


Para quen non poidades achegarvos á primeira xornada pero xa tedes a vosa praza nos clubs, ou para quen si viñestes pero vos xurdiu algunha dúbida no camiño á casa,  non vos preocupedes. Podedes enviar un correo coas vosas preguntas ao noso e-mail lendo.aestrada@gmail.com e responderémosvos coa maior brevidade posible.


Vémonos o venres, entón?


Etiquetas:

Comentarios

Publicar un comentario

Publicacións populares deste blog

Comezar (de novo) no outono

De
No Club de Lectura, non podemos estar máis contentas este ano.  A semana pasada deron comezo as nosas reunións e vimos cargadas de novas propostas e ideas para que este curso 2018-2019 sexa ben proveitoso para as nosas incansables lectoras, grandes e non-tan-grandes-aínda.  No curso pasado, falamos sobre a guerra, sobre os mundos máis incribles e disparatados, sobre a vida das mulleres.  Lemos novela, banda deseñada, ensaio, poesía,... Falamos sobre os nosos libros favoritos, estrenándonos como locutoras intrépidas na Radio Estrada. Recibimos visitas ben agradables, con petiscos incluídos, e descubrimos o fabuloso universo dos xogos de taboleiro... E que nos espera este outono? Novos talleres, novas lecturas, o Vermú Lector, o noso té das cinco, novas visitas inesperadas e actividades ben interesantes nas que participar todas ao longo do calendario... E ti, que aínda non participas no Club... De verdade cres que ler é aburrido? 
Publicar un comentario
Ler máis

O fantástico mundo dos papacalcetíns e o inquedante imaxinario de Roald Dahl

De
Así comeza a historia deses pobres milleiros de calcetíns que cada día desaparecen das nosas casas, das casas de todo o mundo. E así é tamén como Pavel Srut nos pón sobre a pista dos Papacalcetíns, os responsables de todo ese desbaraxuste.  Como boas e bos investigadores,  e seguíndolle o rastro a estes fascinantes seres, creamos os nosos propios monicreques cos calcetíns que quedaron soíños nos caixóns das nosas mesiñas de noite... No grupo de adultas, un sinxelo obradoiro de repostería creativa serviunos de complemento para adentrarnos no inquedante imaxinario de Roald Dahl e os seus "Relatos de lo Inesperado". A linguaxe directa, a forza das tramas e o insospeitable dos finais converten este libro no aliado perfecto contra o aburrimento. Para quen aínda non coñezades a Dahl como narrador para adultos, aí vos deixamos o booktrailer de "La Cata" , da editora Nórdica Libros. Queredes saber que nos esper
Publicar un comentario
Ler máis

Un serán de cores e poesía

De
Onte tivemos, de novo, a nosa xa habitual sesión quincenal dos clubs de lectura infantil e adulto  na Casa das Letras e foi moi entretida, creativa e chea de cor. Coa axuda inspiradora de Escarlatina, Román e Dodoto, deseñamos as nosas propias camisetas e creamos verdadeiras obras de arte!  Falamos sobre unha morea de cousas interesantes: sobre a perda dun ser querido, sobre a cociña e  as larpeiradas, sobre o malo que é iso de meter ao gato na lavadora, sobre os amuletos da sorte e das carreiras no Inframundo, que son algo emocionantísimo no que todas e todos queremos participar. Tamén houbo tempo para a poesía, e decidimos encher todo de confetti de versos e salpicalos polas follas de cores para compoñer os nosos textos.  Chus Pato, Rosa Enríquez, Elvira Ribeiro, Silvia Penas, Lois Pereiro e Elías Knörr acompañáronos coa palabra e animaron este serán de chuvia incesante. Na nosa próxima xuntanza, o lirismo de Kawabata e as disparatadas (per)versións
Publicar un comentario
Ler máis