Saltar ao contido principal

Marzo de Poesía e cores...

Imaxe
De
Nas nosas reunións lectoras, a imaxinación é a chave.

A Casa das Letras énchese de cores e de ledicia, de reflexións e de conversas. 
De aroma a té. 

Tamén, de novas e novos membros (o pasado sábado 11, estreamos dous grupos: Primeir@s Lector@s e Xuvenil) a quen damos unha calorosa benvida a esta familia que medra e medra! 


E é que xuntarnos arredor dos libros é unha experiencia grata e chea de vida. 


Así, no grupo de INFANTIL, falamos sobre a Diversidade, sobre como colaborar nos achega e nos une, e que todos os puntos de vista son importantes para debatir e construír.  E para iso, guiámonos pola fabulosa historia dos Sete Ratos Cegos, de Ed Young. E mentres conversamos, creamos un novo arco-da-vella  de animaliños e criaturas cas nosas máscaras de pratos de papel...






O grupo de ADULTAS achégase este mes ás obras de dúas poetas galardoadas co noso "Avelina Valladares":  

Silvia Penas e o seu "Diario de ladras, bailarinas, asasinas e flores"


 



e os "Corpos Transitivos" de Elvira Riveiro










Tamén, a encadernación xaponesa deixou de ser un misterio para os membros do club XUVENIL, na súa primeira reunión o sábado 11. E os máis novos, de PRIMEIR@S LECTOR@S, comezaron a dar forma á súa propia granxa de pitiños e criaturas monstrosas cos recipientes amarelos dos kinder, grazas ao papel seda e as pinturas acrílicas: reciclar nunca resultou tan divertido!







Este ano, grazas á iniciativa da Rede de Bibliotecas de Galicia, os clubs contarán cos títulos dispoñibles para préstamo do fondo bibliográfico destinados aos clubs de lectura, o cal nos permite adicar máis recursos a actividades e visitas á Casa das Letras!


Lembrade que o periodo de inscricións para os Clubs non pecha nunca. Sempre estamos encantad@s de recibir nov@s membros!

Para calquera consulta  e solicitude de información, ou para tomar parte nas nosas actividades podedes dirixirvos a nós a través de lendo.aestrada@gmail.com ou no Departamento de Cultura do Concello...





Etiquetas:

Comentarios

Publicar un comentario

Publicacións populares deste blog

Comezar (de novo) no outono

De
No Club de Lectura, non podemos estar máis contentas este ano.  A semana pasada deron comezo as nosas reunións e vimos cargadas de novas propostas e ideas para que este curso 2018-2019 sexa ben proveitoso para as nosas incansables lectoras, grandes e non-tan-grandes-aínda.  No curso pasado, falamos sobre a guerra, sobre os mundos máis incribles e disparatados, sobre a vida das mulleres.  Lemos novela, banda deseñada, ensaio, poesía,... Falamos sobre os nosos libros favoritos, estrenándonos como locutoras intrépidas na Radio Estrada. Recibimos visitas ben agradables, con petiscos incluídos, e descubrimos o fabuloso universo dos xogos de taboleiro... E que nos espera este outono? Novos talleres, novas lecturas, o Vermú Lector, o noso té das cinco, novas visitas inesperadas e actividades ben interesantes nas que participar todas ao longo do calendario... E ti, que aínda non participas no Club... De verdade cres que ler é aburrido? 
Publicar un comentario
Ler máis

O fantástico mundo dos papacalcetíns e o inquedante imaxinario de Roald Dahl

De
Así comeza a historia deses pobres milleiros de calcetíns que cada día desaparecen das nosas casas, das casas de todo o mundo. E así é tamén como Pavel Srut nos pón sobre a pista dos Papacalcetíns, os responsables de todo ese desbaraxuste.  Como boas e bos investigadores,  e seguíndolle o rastro a estes fascinantes seres, creamos os nosos propios monicreques cos calcetíns que quedaron soíños nos caixóns das nosas mesiñas de noite... No grupo de adultas, un sinxelo obradoiro de repostería creativa serviunos de complemento para adentrarnos no inquedante imaxinario de Roald Dahl e os seus "Relatos de lo Inesperado". A linguaxe directa, a forza das tramas e o insospeitable dos finais converten este libro no aliado perfecto contra o aburrimento. Para quen aínda non coñezades a Dahl como narrador para adultos, aí vos deixamos o booktrailer de "La Cata" , da editora Nórdica Libros. Queredes saber que nos esper
Publicar un comentario
Ler máis

Un serán de cores e poesía

De
Onte tivemos, de novo, a nosa xa habitual sesión quincenal dos clubs de lectura infantil e adulto  na Casa das Letras e foi moi entretida, creativa e chea de cor. Coa axuda inspiradora de Escarlatina, Román e Dodoto, deseñamos as nosas propias camisetas e creamos verdadeiras obras de arte!  Falamos sobre unha morea de cousas interesantes: sobre a perda dun ser querido, sobre a cociña e  as larpeiradas, sobre o malo que é iso de meter ao gato na lavadora, sobre os amuletos da sorte e das carreiras no Inframundo, que son algo emocionantísimo no que todas e todos queremos participar. Tamén houbo tempo para a poesía, e decidimos encher todo de confetti de versos e salpicalos polas follas de cores para compoñer os nosos textos.  Chus Pato, Rosa Enríquez, Elvira Ribeiro, Silvia Penas, Lois Pereiro e Elías Knörr acompañáronos coa palabra e animaron este serán de chuvia incesante. Na nosa próxima xuntanza, o lirismo de Kawabata e as disparatadas (per)versións
Publicar un comentario
Ler máis